اراء طلاب الهندسه بعد كل الامتحان ..... ( بجد جامده جداااااا) وشوف بنفسك

بسم الله الرحمن الرحيم





إذاعة كلية الهندسة


بث حي و مباشر لأخبار الطلبة و الامتحانات



امتحان الحاسب




المراسل: إيه إخبار الامتحان؟

الطالب: الشهادة لله الامتحان جه اكتر من ممتاز والمسائل كلها من دماغ الدكتور و مفيش واحدة منهم موجودة في المنهج

المراسل: آه هو ده الإبداع و الابتكار اللي بنقول عليه تسلم دماغ الدكتور

طب ده أنا شايف واحدة طالعة بتعيط؟ و واحدة أغم عليها

الطالب: آه دموع الفرح والتانية مصدقتش إن الامتحان جه سهل فأغم عليه



امتحان الفيزياء



المراسل: تعالى يابنى يا بتاع كل مرة ها يا حبيبي إيه أخبار الامتحان؟

الطالب:هاهاهاها...امتحان قال..هاهاها ده امتحان يعرف يحلو عم اينشتاين بصباع رجله الصغنن طب أقولك حاجة بس بيني و بينك المعيد يا عيني كان واقف جنبي مش عارف يحل كلمة مسكين فضل يشد في شعره
صوت ناس كتير اوييييييييي

المراسل: إيه ده؟ دى مظاهرة

الطلاب: إحنا بس عايزين نوجه إهداء للدكاترة

هتمرد على الوضع الحالي

مش هسهر و هذاكر تانى

ولا عمري هفكر أنى انجح

ولا حتى في أجمل أحلامي

قدامى آداب و تجارة

ولا عمري هفكر فهندسة تانى

وهاقضى أيامي اللي جاية

يا بحشش يا في إيدي سيجارة


مادة ميكانيكا


و سألنا طالب هنا عن الامتحان

كان رده: أنا مش هقول غير حاجه وحده بس


كان أولى بيا النوم لكني صحيت

و هذا يدل على تفاؤل الطلاب


كما نحب أن نوضح إن الامتحان جاء مختصر جداً

وقصير لدرحة ان الطلبة طلعت بدرى


الطالب:أنا بحب اطمن كل الناس الامتحان جه زى الفل و في مستوى المعيد المتوسط و الصراحة اللجنة كان فيها كل وسائل الراحة

و اللي كان بيحصل

أي طالب يحاول يستعبط و يقول عايز يروح الحمام يجب أن يمر بالآتي

1- يطلع كل اللي في هدومه

2- يتفتش 5000 مره

3- يمر على الكلب البوليسي

4- لو كان لسه عايش يسمح له بدخول الحمام


كلمه أخيره من الطلاب

إهداء منى

أنا رايح فين ،، أنا راجع تاني

أنا مش هنساك ،، و لا قلت انساني

و كلمة أخيره للامتحانات

أعمل ايه،، فاللي أنا حليته

و اللي انا سبته فاضي ،، مش هبكي عليه

فمشيت و نسيته ,, و بالمقبول أنا راضي

ههههههه
حلوين كتير يا بسموم والمرة الجاية اكتبلنا عن طلاب الأداب وسبينا فحالنا